Og ég sem hélt að þetta myndi ekki gerast :)

Sjómannadagurinn!!

Sun, 03 Jun 2007 17:50:41 GMT

Guð hvað ég þoli ekki svona daga. Þetta kallar maður sko þynnku dauðans. Mér leiðist svo mikið eitthvað, ég sit hérna með Óla, hálf sofandi í sófanum, og Rannveig Lilja að horfa á Lukku Láka. Og hausinn á mér er að springa.

En gærkvöldið var æði, fórum fyrst til Rögga og Möggu áður en við fórum upp í íþróttahús. Sátum þar og fengum okkur smá í glas. Svo þegar upp í íþróttahús var komið þá var maturinn æði, Björgvin Frans var bara snilld, Raggi Bjarna og Ásgeir Ólafs fóru á kostum og bara allt æðislegt. Nema borðfélagi okkar, það var einn þarna sem var aðeins ölvaðari en hinir (ég fékk mér bara áfengi eftir matinn og skemmtunina) og þessi maður var gjörsamlega að gera okkur brjáluð þarna. En svo þegar ballið byrjaði þá náði maður bú að forðast hann aðeins. Mér leið samt ekkert smá vel, mér fannst ég líta svo vel út og fékk alveg að heyra það hvað ég var fín. Það var ekkert leiðinlegt. Egóið lyftist alveg um 3 þrep eða eitthvað :lol:

Það var æðislegt að hitta Ebbu mína og Önnu. Ég var náttúrulega búin að hitta þær í skírninni hennar Dóru Snædísar en þær voru að djamma og það er svo langt síðan við djömmuðum saman. Elsku stelpur, takk fyrir kvöldið og vona að það verði fljótt aftur. Ég ætla að fara að horfa á Lukku Láka með Rannveig Lilju.

Kveðja, Heiða!!

Sko stelpuna :)

Sun, 06 May 2007 04:10:54 GMT

Já, haldið þið ekki að ég ætli að skella inn öðru bloggi. Og það er ekki vika einu sinni síðan það síðasta kom.

Ég hef nú samt eiginlega ekki frá neinu að segja. Skrapp á dægurlagahátíðina í gær. Það var æði, ég var samt að drepast í maganum (bara auli, gleymdi að borða) á meðan var verið að flytja lögin. Ætlaði bara að vera edrú svo að heilsan yrði nú í lagi í dag. En nei, það gekk náttúrulega ekki. Um hálf tólf þá fór ég heim, fékk með að borða og fór svo upp í íþróttahús aftur. Byrjaði á því að koma við á barnum og keypti mér 2 glös. Og ég hef sjaldan skemmt mér eins vel í sæluviku eins og núna. Ég sleppti líka alveg að lulla á wc í íþróttahúsinu og sturtunni hérna heima :)

Svo er ég ekki búin að vera neitt of dugleg að læra í dag. Búin að hlusta á 3 fyrirlestra og lesa pínu og skrifa pínu. EKki samt eins mikið og ég ætlaði að gera. Enda er ég líka skítfallin í öllum fögum þessa önnina. En svona er þetta bara, það gengur lítið að læra ef að áhuginn er enginn.

En já, kallinn minn er að koma heim á morgunn. Ég ætla að fara að sofa svo að ég verði nú eitthvað vakandi annað kvöld. Blogga seinna.

Adios, Heiða.

Tími til kominn :)

Fri, 04 May 2007 01:54:48 GMT

Hvað segiði svo??

Er það ekki spurning um að henda inn svona ca einu bloggi eða svo vegna fjölda áskoranna :) Sorglegt en satt þá hefur samt lítið gerst af mér síðan ég bloggaði síðast, fyrir utan einhver fyllerísmistök, ætla að hætta í skólanum, hætta í Árvist, eignaðist 5 kettlinga og er að fara til útlanda í sumar. Annars er voðalega lítið af fréttum af mér.

En kallinn er á sjó eins og alltaf, þessi elska átti afmæli í gær. Nú er hann orðinn gamall kall :D Hann er orðinn 25, ég er ennþá bara 24, hehe.

Ég hlakka svo til að vera búin með þennan skóla, þessa önn þá allt svo. Komast í sumarfrí (allavega þannig að ég verði ekki að læra öll kvöld) og geti notið veðurblíðunar hérna fyrir norðan. Annars verður örugglega komin snjókoma, slydda eða eitthvað álíka vont veður þegar ég verð búin. Ég er hvort sem er ekkert að fara að ná þessum prófum þannig er það ekki bara málið að skippa þessu og njóta bara góða veðrisins á meðan það er. Sem er reyndar ekki núna (enda er klukkan að verða 2) :lol:

Segjum þetta gott í bili, lofa ekkert hvenær ég blogga næst. Best að lofa engu því þá svíkur maður ekkert.

Adios amigos, Heiða.

Leti eða hvað?

Sun, 21 Jan 2007 23:12:05 GMT

Jæja gott fólk. Þá held ég að það sé að verða kominn tími á nýtt blogg.

Eins og marg oft áður þá var verið að fá sér í glas um helgina. Ég fór á þorrablót á fös og skemmti mér bara alveg ágætlega. Og undur og stórmerki gerðust að Óli var bara að keyra. Hann skemmti sér samt alveg ágætlega held ég samt þrátt fyrir það.

Svo var farið í smá mission í gærkvöldi. Tveir vaskir sveinar hér á Króknum tóku upp á því að vilja vaxa á sér bringuna og var sadistinn sjálfur (ég sem sagt) sett í málið. Þeir voru líka ekkert smá loðnir og það veitti ekkert af þessu. EN þetta tók líka alveg rúma 2 tíma því að það þurfti alltaf að taka smá pásu til að fá sér sopa og blanda meira og svona. Þetta var algjör snilld og þegar ég veit slóðina á síðunni þar sem myndirnar verða settar inn þá læt ég ykkur vita :)

En ég er að spá í að fara fram og knúsa kallinn minn. Svona fyrst að hann er nú heima aldrei þessu vant.

Adios amigo, Heiða.

Árið og allt það :)

Thu, 04 Jan 2007 21:24:57 GMT

Halló allir og gleðilegt nýtt ár.

Þá er að fara að skella sér í borgina eina ferðina enn. Byrja á því að djamma og svo tekur skólinn við eftir helgi. Bara stemning. Því er nú fjandans verr og miður samt að það eru útsölur í gangi og ég þori varla að fara inn í Smáralindina eða Kringluna. Ég væri alveg vís til þess að missa mig algjörlega.

En ég er bara búin að vera mjög róleg á því síðan ég skrifaði síðast. Ætlaði svo að detta í það um áramótin, en nei, mín endaði á sýklalyfjum vegna strepta... sýkingar í hálsi og mátti ekkert drekka. Þannig að ég var bara að keyra á 16 ára ball á Blönduósi, þvílíka stemningin. Þetta var samt bara fínt, ég var þó allavega ekki þunn á nýársdag.

En ég er búin að fá út úr 2 prófum og ég fékk 7 í sálfræði og 8 í tölvudraslinu, bara tiltölulega sátt við það. Hefði getað gert betur en maður má víst bara vera sáttur við að ná er það ekki??

Látum þetta gott heita í bili og ég verð í bandi við ykkur beyglur þegar ég kem suður. Knús og koss :) Kveðja Heiða

Gleðileg jól....

Mon, 25 Dec 2006 03:40:03 GMT

Ég vil bara óska öllum gleðilegra jóla og farsældar á komandi ári. Þetta er búið að vera mjög ljúfur dagur og við viljum þakka fyrir okkur og dömuna.

Ég ætla að setja inn eitt spakmæli að lokum og það verður síðasta spakmælið á þessu ári.

Aldrei segja bless - ef þig langar en að reyna
Aldrei gefast upp ef þér finnst þú geta haldið áfram.
Aldrei segja að þú elskir manneskjuna ekki ennþá,
ef þú getur ekki sleppt henni.

Kveðja á aðfangadagskvöldi, Heiða.

Hversu mikill asni getur maður verið??

Sat, 23 Dec 2006 19:46:45 GMT

Ég er svo mikill asni að það hálfa væri nóg. Ég ákvað það nú að kíkja út í gærkvöldi og fá mér pínu í glas. Það endaði líka bara það vel að ég var blekölvuð og sem betur fer voru Óli og Guðrún með mér því annars hefði ég örugglega varla komist heim :S Og svo er ástandið líka alveg eftir því í dag að ég hafi verið að djamma. Þetta er helvíti að gerast alki svona rétt um jólin. En ég vona að ég verði komin í rétt ástand á morgunn, ef ekki þá hætti ég nú að drekka. Þetta má ekki!! :frown:

En ég á víst eftir að gera eitthvað hérna heima hjá mér svona fyrir jól þannig að best að fara að koma sér að verki. Það má samt ekki gleyma spakmæli dagsins, sem á samt ekkert voðalega vel við mig núna. Ég ætti kannski að taka þetta samt til fyrirmyndar :)

Um gildi þess að brosa

Það kostar ekkert en ávinnur mikið.

Það auðgar þá sem fá það, án þess að

svipta þá neinu sem veita það.

Það gerist í einni svipan, en minningin um það

geymist oft ævilangt.

Engin er svo ríkur að hann geti verið án þess,

og engin er svo snauður að hann geti ekki gefið það.

Það skapar hamingju á heimilum,

góðvilja í viðskiptum og er vináttuvottun.

Það er þreyttum hvíld, dagsbirta þeim

sem dapur er, sólskin þess sorgmædda og

vörn í öllum vandræðum.

Það verður ekki keypt, ekki sníkt eða leigt

eða stolið, því það er engum neins,

veraldarlegs virði, fyrr en hann hefur gefið

það öðrum. Og ef einhver afgreiðslumaður skyldi

vera svo önnum kafinn í ösinni og of

þreyttur- til þess að brosa til þín, þá gerðu

svo vel að brosa til hans.

Engin þarf eins á brosi að halda og sá sem

sjálfur á ekkert bros eftir til að gefa.

Ef þú vilt vinna vináttu manns.

Þá er reglan þessi:

BROSTU!

Kveðja Heiða

Spurning um að sleppa bara jólaskrautinu??

Thu, 21 Dec 2006 02:17:46 GMT

Það er alveg ótrúlegt hvað það tekur langan tíma að skreyta, eða aðalega ákveða hvað á að vera hvar. Og þar sem að ég er svo leiðinleg manneskja þá ákvað kallinn minn að fara að sofa kl hálf 10 og sefur enn. Ég vissi nú alveg að ég væri ekki sú skemmtilegasta en þetta finnst mér einum of. Mér líður bara eins og hann sé út á sjó L

En svona til ykkar gellur sem eruð vanar að fá jólakort frá mér vil ég bara láta vita að vera ekkert að búast neitt við svoleiðis þetta árið. Ég hef ekki haft tíma til að gera nein jólakort og ég get alveg eins sent ykkur sms eins og að senda keypt jólakort. Alveg jafn mikils virði í mínum huga allavega. En ég fór með stubbuna mína í myndatöku og ætla að reyna að fara að vinna í því að skanna inn myndirnar af henni og setja þær inn á barnaland svona við tækifæri.

Svo er ég eiginlega bara farin að bíða spennt eftir því að fá gellurnar heim um jólin...:lol: vona bara að þær komi sem flestar. Við getum kannski kíkt á Kaffi á fös kvöldið og fengið okkur einn öl svona í tilefni hittings J Hvað segiði um það??

En ég ætla að láta þetta gott heita í bili, spakmæli dagsins er svona í anda þess sem að ég hef reynt að lifa eftir sem best ég get, en allir eru mannlegir og öllum verður á mistök.

Umfram allt þá er mikilvægast að vera góður vinur, vera
maður sjálfur koma þannig fram,Þá sýnir þú að þú ert
heiðarleg manneskja og fólk kynnist þér eins og þú ert.
Vertu skilningsrík / ur gefðu þér tíma til þess að skilja,
skilja náungann áður en þú metur hann, skilja vandamál
hjá vinum ef þau eru til staðar og umgangast hvern og
einn eftir aðstæðum, ef fólk þarf að vera í friði , hafa
skilning á því. Góðir vinir eru ekki á hverju strái, þeir
eru sjaldgæfir,einbeittu þér að því að vera góður vinur

Góða nótt og endilega verið í bandi þegar þið komið norður :)

Over and out, Heiða.

Próf og verkefnastress búið, jólastress tekið við!!

Wed, 20 Dec 2006 01:26:25 GMT

Jæja skvísur mínar, ég hef bara ekkert nennt að blogga síðustu daga. Kláraði samt verkefnið mitt í dag þannig að núna hef ég tíma fyrir eitthvað tölvustúss annað en skóla.

Haldið ekki að kallinn minn sé kominn heim, búinn að rústa íbúðinni (reyndar til þess að andurbæta), það er svefnsófi á ganginum mínum, eitt herbergið galtómt og nýmálað. Hann ákvað að þetta þyrfti að gerast fyrir jól. Þessi elska, getur ekki setið kyrr lengur en í 5 mín.

Svo er uðrún líka komin norður og þvílíkur léttir að vera búin að fá hana heim aftur. Ég áttaði mig ekki á því hvað ég saknaði hennar mikið fyrr en hún kom heim aftur. Svona er þetta víst, þegar það slaknar aðeins á hjá manni þá vill maður hafa þá nánustu nálægt sér.

En þá er komið að spakmælinu, ég gleymdi því víst í gær og ég held nefnilega fyrradag líka....

Við teljum, okkur trú um að lífið verði betra eftir að við:

göngum í hjónaband, eignumst barn og síðan þegar við eignumst annað

barn. Síðan verðum við ómöguleg yfir því að börnin eru enn svo ung

og teljum að við verðum miklu ánægðari er þau eldast.

Þegar það gerist verðum við pirruð á því að þurfa að takast á við

unglingana okkar og teljum okkur verða ánægðari þegar þeir vaxa upp

úr því aldursskeiði. Við teljum okkur trú um að við munum öðlast meiri

lífsfyllingu loksins þegar: maki okkar tekur sig taki, þegar við fáum betri

bíl, þegar við komumst í almennilegt frí eða þegar við setjumst í helgan.

stein.

Sannleikurinn er sá að það er ekki til betri tími til að verða

hamingjusamur heldur en einmitt núna!.... Því ef ekki núna,

hvenær þá?

Lífið er alltaf fullt af vandamálum.

Það er best að horfast í augu við það og ákveða að vera Hamingjusamur

þrátt fyrir það. Alfrd D. Souza sagði eitt sinn: “Lengi vel fannst mér

alltaf sem lífið væri rétt að byrja þetta eina sanna líf. En það var alltaf

eitthvað sem stóð í vegi fyrir því, eitthvað sem þurfti að yfirstíga fyrst,

einhver ókláruð mál, tími sem þurfti að eyða í eitthvað, ógreiddar skuldir.”

Síðan myndi lífið byrja.

Dag einn rann það upp fyrir mér að allar þessar hindranir voru lífið

sjálft.”Þetta viðhorf hjálpar okkur að skilja að það er engin leið að

hamingjunni.” Hamingjan er leiðin. Njótum hverrar stundar sem við

eigum. Njótum hennar enn frekar þegar okkur tekst að deila henni með

öðrurm sem er nógu sérstakur til að verja tíma okkar með … og munum,

að tíminn biður ekki eftir neinum.

Hættu að bíða þar til þú hefur lokið námi eða þar til þú hefur hafið nám,

þar til þú hefur misst fimm kíló eða bætt á þig fimm kílóum, þar til þú

hefur eignast börn eða þar til þau flytjast að heiman, þar til þú byrjar að

vinna eða þar til þú sest í helgan stein, þar til þú giftist eða þar til þú

skilur, þar til á föstudagskvöld, þar til á sunnudagsmorgunn, þar til þú færð

þér nýjan bíl eða hús, þar til þú hefur borgað upp bílinn eða húsið, þar til í

vor, þar til í sumar, þar til í haust, þar til í vetur, þar til lagið þitt byrjar,

þar til þú ert búin að fá þér í glas, þar til runnið er af þér, þar til þú deyrð,

þar til þú fæðist á ný ...til þess eins að ákveða að það er enginn tími betri

til að vera hamingjusamur en einmitt núna! Hamingjan er ferðalag ekki

áfangastaður Til umhugsunar að lokum! “Sinntu starfi þínu eins og þú

þarfnist ekki peninganna.”

“Elskaðu eins, og þú hafir aldrei verið særð(ur).”

“Dansaðu eins og enginn sjái til þín.”

En þar sem að þið nennið örugglega ekki að lesa þetta allt þótt að þetta sé svo satt allt sem að stendur þarna þá ætla ég að láta þetta duga fyrir því sem ég gleymdi sem og deginum í dag.

kveðja úr engum snjó og endalausri rigningu, Heiða.

Búin að vinna í aðeins og marga klukkutíma en samt kemur spakmæli :)

Sat, 16 Dec 2006 06:29:50 GMT

Spakmæli dagsins og setjum inn líka fyrir morgunndaginn :) Eða kannski er þetta sem sagt fyrir gærdaginn og daginn í dag!! Látum það svo gott heita í dag :S

Taktu eftir hugsunum þínum,

því að þær verða að orðum.

Taktu eftir orðum þínum,

því að þau verða að gjörðum.

Taktu eftir gjörðum þínum,

því að þær verða að vana.

Taktu eftir vönum þínum,

því að þeir skapa persónuleika þinn.

Taktu eftir persónuleika þínum,

því að hann skapar örlög þín.

Og svo laugardagurinn...

Við finnum ávallt þegar við erum særð
En vitum sjaldan af því þegar við særum aðra

Sum orð þín særa mig óendalaust
en þögn þín er helmingi verri.

Bless og góða nótt, Heiða

Leti á leti ofan!!!!

Fri, 15 Dec 2006 00:02:04 GMT

Ég er ekki að nenna neinu þannig að ég vildi bara deila þessu með ykkur......

Þetta eru flottustu myndir í heimi, að mínu mati allavega.......

Mæli með því að þið skoðið þær

Adios Heiða.

eitt blogg á dag kemur skapinu í lag :)

Thu, 14 Dec 2006 22:30:18 GMT

Það mætti halda það að það væri svo leiðinlegt hérna á Króknum, ég er svo dugleg að blogga. Það er bara málið, á meðan ég nenni ekki að laga til eða læra eða réttara sagt gera neitt þá er alveg eins gott að blogga bara :)

Ég fór til Hjördísar í dag í fótaðgerð og þvílíkur munur, ég er alveg hætt að festast i rúmfötunum mínum og ég get svarið það að ég kemst hugsanlega í sokkabuxur án þess að skemma þær í fyrstu tilraun 8)

En ég er að velta því fyrir mér að hafa þetta ekki lengra í þetta sinn, en spakmæli dagsins á mjög vel við til þeirra sem lesa bloggið mitt (þið vitið hverjar þið eruð ;) )

Varðveittu hverja stund sem þú hefur
og varðveittu hana enn betur því þú eyddir
henni með einhverjum sérstökum,
nógu sérstökum til að eyða tíma þínum í.
Og mundu að tímin bíður ekki eftir neinum.

Vinir eru mjög sjaldgæfir dýrgripir.
Þeir láta þig brosa og hvetja þig áfram í lífinu.
Þeir lána þér eyra, hrósa þér og vilja alltaf
opna hjarta sitt fyrir þig. -
sýndu því vinum þínum hvers virði þeir
eru þér.

Bestu vinirnir eru þeir sem að þú getur setið með, án þess að segja orð, og svo gengið í burtu og fundist sem að þú hafir aldrei átt betri samræður.

Stelpur, þetta á við um ykkur :)

Kveðja Heiða

Nú ríður á að vera dugleg!!

Thu, 14 Dec 2006 01:39:40 GMT

Ég get svo svarið það, ég er alveg pottþétt á því að ef að ég drulla mér kannski til að gera blessaða jólahreingerninguna og skreyta eitthvað að þá kemur kannski jólaskapið.... hvað haldið þið?? Kannski er það bara dáið eftir allan lærdóminn og kemur kannski bara eftir jól eða eitthvað álíka, það væri þá. Í jólaskapi í útsölum í janúar, hehe :lol:

En annars er ekkert að frétta frekar en vanalega, ein heima að drepast úr leti og leiðindum. Það mætti halda að ég byggi í Hofsós stundum miðað við hvað ég fylgist mikið með hérna í bænum og fer mikið út á meðal fólks, það er að segja annað en í vinnuna og heim til mömmu. En það eru bara nokkrir dagar þar til ég ætla að detta í það!!!! Ég hlakka svo mikið til að þið trúið því ekki, ekki það að það sé svona langt síðan ég datt í það ( sem eru ekki nema 4 helgar eða eitthvað), það er bara svo langt síðan það voru svona margir að fara að djamma með mér.

Ég ákvað að blogga pínu því að ég er að bíða eftir því að litla skottið mitt sofni. Hún skilur ekki alveg hugtakið með það að vera stillt til að fá eitthvað í skóinn, hún er ekki orðin alveg nógu gömul. Því miður upp á það að gera. Þá værum við báðar vonandi löngu sofnaðar! :$

Það er best að fara að hætta þessari vitleysu og fara þá bara að halda áfram að laga til eða eitthvað... enda samt pottþétt fyrir framan sjónvarpið :)

Skellum inn einu góðu spakmæli svona fyrst að það eru að koma jól. Hvað segið þið um að það verði eitt spakmæli á dag fram að jólum?? Segið þið ykkar hug um það :)

Móðir hreykir sér aldrei eða stærir sig af börnunum sínum því hún veit að hún getur alltaf átt von á því að skólastjórinn hringi.

Mary Kay

(þetta átti sko alveg við mig :) )

Voðaleg stemning

Tue, 12 Dec 2006 23:43:01 GMT

Ég skellti mér í bingó í kvöld með litlu systir minni. Þvílíka stuðið eða hitt þó heldur. Ég hélt að ég væri að mygla þarna. Þetta var líka bingó hjá 10. bekk og þeir sem eru í 10.bekk voru að fara alveg á kostum þarna, þvílíku stælarnir í þeim öllum svona meira og minna. Vorum við svona líka, í minni minningu þá vorum við svo svakalega þroskuð og alls ekkert barnaleg eða með gelgjustæla :lol: Ég skoðaði einmitt skólamyndina af okkur sem hangir upp í gagga og guð minn hvað allir hafa breyst mikið, hmm, enda komin nokkur ár síðan þetta var tekið.

En ég held að ég hætti þessu bara í kvöld, ég ligg upp í rúmi að horfa á Ávaxtakörfuna, ekkert smá öfund sem að ég fæ núna sko, haha :D. Ætla að koma stelpunni í rúmið og fara svo að leika jólasvein þegar hún er sofnuð.

Farvel og góða nótt, kveðja Heiða.

Jey.... þá eru prófin allavega búin :)

Tue, 12 Dec 2006 00:49:32 GMT

Þið getið ekki ímyndað ykkur hvað ég er ánægð með að þessi önn sé að verða búin. Síðasta prófið í dag og ég er svona að vonast til þess að ég hafi slefað yfir 5 í þessu helv.... :$
En ég á eftir eitt verkefni sem að ég ætla bara að klára fyrir helgi þannig að fyrrum plön um næstu helgi geti staðist :lol: Ég er allavega búin að smala fullt af fólki á djammið þannig að það er eins gott að ég verði búin að læra og geti farið eitthvað á djammið.

Samt verð ég nú að vinna eitthvað um helgina þannig að það er bara spurning hvort að ég þurfi að vinna báðar næturnar líka. Ég veit að ég er að vinna á jólahlaðborðunum en hvort að ég eigi að vera á barnum líka hef ég ekki hugmynd um. 'Eg vona svo innilega ekki.

En ég verð að segja ykkur. Ég fékk loksins smá svona jólafíling. Ég settist niður í kvöld og fór að föndra nokkur jólakort. Þá kom pínu jólaskap en ekkert nærri því eins og öll ár þar áður held ég. Það segir kannski sitt að ég fæ ekki að vita út úr prófum fyrr en eftir áramót og ég er EKKERT búin að skreyta eiginlega. Veit ekki, kannski kemur þetta svo bara þegar ég er búin að jafna mig eftir þynnkuna um næstu helgi :lol:

En ég held að við látum þetta duga í kvöld Gunnsa mín, hehe og förum að koma okkur í rúmið.

Hlakka til að hitta ykkur eitthvað um jólin, það er ef að þið komið eitthvað áður en ég fer á Skagaströnd 8| og endilega setjið nú inn einhver comment. Takk Gunnsa mín, ég held að þú sért sú eina sem lest þetta, haha.

Bless krús og góða nótt, Heiða.